Сыгын айдыҥ 3-8 кӱндеринде Кыргызстанда Иссык-Кульдыҥ јанында Кӧчкӱндердиҥ телекейлик ойындары ӧдӧр.
Экинчи катап ӧткӱрилип јаткан бу ойындарда быјыл туружар кӱӱнин 35 ороон угускан. Ол тоодо: Азербайджан, Аргентина, Армения, Белоруссия, Бразилия, Венгрия, Гватемала, Германия, Израиль, Индия, Индонезия, Иран, Италия, Казахстан, Китай, Колумбия, Латвия, Литва, Монголия, Нидерланды, Пакистан, Перу, Польша, Россия Федерациязы (Башкортостан, Карачаево-Черкессия, Свердловская область, Челябинская область), Сербия, Словакия, США, Таджикистан, Туркменистан, Украина, Чехия, Шри-Ланка, Эквадор, Эстония ла Япония.
Анда спорттыҥ 23 бӱдӱми аайынча маргаандар ӧдӧри темдектелет. Кӧрӧӧчилерди ат јарыш, национальный ойындар, ок-јаадаҥ адары, аҥдаарыныҥ национальный бӱдӱмдери ле оноҥ до ӧскӧ јилбилӱ маргаандар сакыйт.
Кӧчкӱндердиҥ телекейлик ойындарын видеого согуп кӧргӱзер кӱӱндӱ болгонын 25 ороонноҥ 143, јербойыныҥ 137 СМИ-ниҥ чыгартулу улузы угускан эмтир.
Ойындар чындаптаҥ да солун ла сӱрекей јилбилӱ болоры јарт.